Sipas informacioneve në media, një efektiv i Policisë Rrugore është vënë në pranga pasi është kapur me një sasi kanabisi. Mësohet se bëhet fjalë për efektivin Renato Feri, i biri i Arian Ferit me pozicion shef sektori i burimeve njerëzore në Drejtorinë e Përgjithshme të Policisë së Shtetit.
Ngjarja ka ndodhur në muajin Dhjetor, kur të riut Feri iu bë shenjë të ndalonte tek zona e Pallatit me Shigjeta pasi u pikas nga kolegët e tij duke qarkulluar me shpejtësi tej normave të lejuara me një mjet me xhama të zinj.
Ai jo vetëm që nuk ndaloi duke mos respektuar kolegët e tij, por rriti shpejtësinë dhe iu largua postbllokut. Më pas u ndalua dhe nga mjeti i tij nisi të ofendojë kolegët policë. Feriu iu gjet gjatë kontrollit një sasi kanabis dhe mësohet se është përjashtuar nga radhët e Policisë së Shtetit.
Nuk dihet nëse për babain e Ferit, shefin në Policinë e Shtetit do zbatohet i njëjti fat që pati babai i Albano Velos, të dyshuarit për vrasjen e Edmond Papës, i cili u pezullua nga Muhamet Rrumbullaku.
