Punonjëset e fasonerisë në Bilisht kanë dalë në protestë për shkak se u kanë përgjysmuar rrogën.
Ndër të tjera punonjëset shprehen se nuk u është dhënë leja vjetore, ndërkohë ka punonjëse të pasiguruara.
Sipas tyre kushtet e punës në fasoneri nuk janë të përshtatshme, për shkak të mungesës së ngrohjes.
Ndërkohë kjo nuk është hera e parë që punonjëset e fasonerisë në Bilisht ngrihen në protestë.
Një vit më parë këto punonjëse protestuan për të njëjtat arsye, por ministrja e linjës u premtoi zgjidhje të problemeve, premtim që nuk u mbajt.