Uji për pije në Shkup është i sigurt dhe cilësor, thuhet në raportin laboratorik javor të NP “Ujësjellësi dhe kanalizimet”.
Raporti për cilësinë dhe sigurinë e ujit të pijshëm është marrë nga analizat e kryera në Departamentin e Kontrollit Sanitar nga data 26.12.2022 deri më 30.12.2022 në 184 mostra për analiza fiziko-kimike dhe 184 mostra për analiza mikrobiologjike të ujit të pijshëm nga 39 pika matje në qytetin e Shkupit.
“Sipas rezultateve të marra nga analizat, të gjitha mostrat PËRPUTHEN me Rregulloren për kërkesat për siguri dhe cilësi të ujit të pijshëm”, njoftoi NP “Ujësjellësi dhe kanalizimet”.
