Që prej orës 9 të mëngjesit në Bazilikën e Shën Pietros ka nisur ceremonia për t’i dhënë lamtumirën e fundit ish-Papës së Nderit Benedikti i XVI, i cili u nda nga jeta në ditën e fundit të vitit. Mijëra njerëz janë në radhë për t’i dhënë lamtumirën Papës që do të kujtohet nga të gjithë.
Homazhet do të vazhdojnë deri ditën e enjte, pra tre ditë rresht, duke i dhënë mundësinë të gjithë qytetarëve, për nderimet e tyre.
Mes mijëra besimtarëve në rradhë për të nderuar ish-Papën ishte dhe Fatima, një myslimane me origjinë nga Afrika.
"Ishte një Papë i mirë, ishte një Profesor. Mrekulli të shohësh gjithë këta njerëz. I ngjan një pelegrinazhi" tha ajo.