Meksika e ka nisur vitin me një ngjarje të paprecedentë, ku plot 24 të burgosur janë arratisur nga një burg i sigurisë së lartë. Dyshohet se këta persona janë pjesëtarë të një karteli droge.
Persona të armatosur deri në dhëmbë me makina të blinduara kanë sulmuar godinën e burgut, duke shtënë drejt rojeve të këtij institucioni. Për disa minuta është krijuar një arenë e vërtetë luftë.
Ky sulm ndaj burgut shtetëror Chihuahua ndodhi pak pas orës 07:00 dhe raportohet për 10 persona të vrarë dhe 13 të burgosur të plagosur. Katër prej viktimave ishin të burgosur, ndërkohë është i paqartë numri i rojeve dhe agresorëvem që kanë humbur jetën.
Ndërkohë, në Meksikë po organizohet një operacion i madh. Policia ka kërkuar mbështetjen e gardës kombëtare dhe ka marrë asistencën e gjithë autoriteteve lokale, me qëllim arrestimin e autorëve dhe të dënuarve të arratisur.
Qyteti i Chihuahua ka përjetuar për vite të tëra përplasje të dhunshme midis karteleve rivale të drogës Sinaloa dhe Juarez, duke vrarë mijëra njerëz në dekadën e fundit. Ndërkohë, kjo luftë mes këtyre karteleve dhe shtetin gjithashtu të përfshirë vazhdon.
