Një ngjarje e rëndë ka ndodhur në rrugën e Elbasanit.
Një panel elektrik në një pallat në këtë zonë ka marrë flakë mëngjesin e sotëm.
Si pasojë e zjarrit dy persona, prej të cilëve një grua dhe një i mitur kanë shfaqur probleme me frymëmarrjen.
Personat në fjalë janë dërguar me urgjencë në spital ku aktualisht janë jashtë rrezikut për jetën.
“Më datë 31.12.2022, rreth orën 07:50, në Rrugën e Elbasanit, në një pallat ka marrë flakë paneli elektrik i pallatit. Si pasojë kanë pasur probleme me frymëmarrjen një shtetase dhe një i mitur, të cilët kanë marrë ndihmën mjekësore në spital dhe ndodhen jashtë rrezikut për jetën. Grupi hetimor po punon për sqarimin e rrethanave të ngjarjes”, thuhet në njoftimin e policisë.
