Ishte ora rreth 18:00 e pasdites së djeshme, kur një burrë 50 vjeç u ngjit në podiumin e sheshit qendror të Larisës, duke mbajtur në duar një bidon me benzinë dhe duke kërcënuar se do t'i vinte flakën vetes.
Mediat greke raportojnë se shqiptari, ka thënë se kjo ishte e vetmja zgjidhje për problemet familjare, me të cilat po përballej prej shumë vitesh, pasi nuk mund të shihte fëmijën e tij.
Policia ka mbërritur menjëherë në vendngjarje dhe pas disa minutash dialog ka arritur ta neutralizojë dhe e ka arrestuar. Në vendngjarje ishin mbledhur një numër i madh qytetarësh, të cilët policia ka tentuar t’i largojë për shkak të rrezikshmërisë së situatës.
Para se të bënte këtë skenë, 50-vjeçari shqiptar kishte shkuar jashtë shtëpisë së ish-bashkëshortes së tij në lagjen Agios Athanasios, e kishte ruajtur sa ajo të hipte në makinë bashkë me djalin e tyre 15-vjeçar dhe i aka larë makinën me benzinë me qëllim që t’i vinte flakën. Fatmirësisht, më e keqja është shmangur, pasi 15-vjeçari ka ndërhyrë me qetësi dhe e ka bindur 50-vjeçarin të largohet.
Pak më vonë, 50-vjeçari ka shkuar në sheshin qendror, ku ka kërcënuar se do të vetëdigjej. Ai u arrestua, u ndalua dhe pritet të dalë para Prokurorisë, si i akuzuar për tentativë vrasjeje ndaj bashkëshortes së tij, ndërsa motivet e autorit janë duke u hetuar nga nëndrejtoria e sigurisë së Larisës.
Momenti kur kërcënon se do digjet.
Momenti kur policia e neutralizon.
