Mbrëmjen e djeshme, legjenda braziliane e futbollit, lojtari më i mirë në histori, Pele, ndërroi jetë në moshën 82-vjeçare. Pele, emri i vërtetë i të cilit ishte Edson Arantes do Nascimento, ka shënuar një rekord botëror prej 1.281 gola në 1.363 paraqitje gjatë karrierës së tij 21-vjeçare. Ai ka bërë edhe 77 gola në 92 ndeshje për kombëtaren e Brazilit.
Pele fitoi Kupën e Botës tri herë, duke ngritur trofeun në 1958, 1962 dhe 1970. Futbollisti Pele u operua dhe hoqi tumorin nga zorra e trashë në shtator të vitit 2021, ndërsa vuante nga problemet e veshkave dhe prostatës. Ndërkohë, NASA ka gjetur një mënyrë të veçantë për të nderuar kujtimin e futbollistit legjendar Pele. NASA ka postuar një foto të një galaktike në Twitter, e cila mban ngjyrat e Brazilit, të verdhë dhe blu.
Në postimin e publikuar në Twitter thuhet:
Ne nderojmë ndarjen nga jeta të legjendarit Pele, i njohur për shumë si mbreti i ‘lojës së bukur’. Ky imazh tregon një galaktikë spirale në yjësinë Skulptor, e paraqitur me ngjyrat e Brazilit.
We mark the passing of the legendary Pelé, known to many as the king of the "beautiful game." This image of a spiral galaxy in the constellation Sculptor shows the colors of Brazil. pic.twitter.com/sOYfKdTeAJ
— NASA (@NASA) December 29, 2022
