Në orët e para të mëngjesit të sotëm u regjistrua një shpërthim me tritol në banesën e punonjësit të Patrullës së Përgjithshme të Komisariatit të Policisë Shkodër, Valter Serra.
Polici ka qenë i vetëm në banesë në momentin kur ka ndodhur shpërthimi me tritol, teksa ngjarja ka ndodhur rreth orës 02:00 në fshatin Bardhaj.
Nga shpërthimi është dëmtuar automjeti tip “Volkswagen” në pronësi të Serrës dhe janë shkaktuar dëmtime të lehta në banesën e tij.
Dyshohet se lënda plasëse është vendosur nga dy persona të maskuar të cilët janë larguar më këmbë nga vendi i ngjarjes.
Në banesën ku ndodhi shpërthimi nuk ka kamera sigurie ndërsa policia ka sekuestruar kamerat e sigurisë në kryqëzime për të arritur në identifikimin e autoreve dhe me pas gjetjen e kapjen e tyre.
Serra punon prej afro 3 vitesh në policinë vendore e Shkodrës duke shërbyer si patrullë.
Polici ka deklaruar para grupit hetimor se nuk ka konflikte me njeri si dhe kërkon që të zbardhet e gjithë ngjarja.
Dyshimet e para janë që ngjarja të ketë ndodhur për shkak të detyrës që mban Serra
