Grupi i hakerëve “Anonymous”, kanë reaguar së fundmi mbi situatën e tensionuar në Veri të Kosovës. Reagimi ka ardhur nga presioni që serbët dhe autoritetet në Beograd patën ndaj Kosovës duke vendosur barrikada si dhe "ultimatume" për tërheqjen e vendimit të targave. Grupi i hakerave nuk ka dhënë detaje mbi kërcënimin që kanë bërë por kanë shprehur mbështetje ndaj Kosovës.
“Anonymous nuk është një grup i vogël i pafuqishëm i njerëzve për ta injoruar. Ne jemi të organizuar, globalisht aktivë, kolektiv i individëve me mendësi të njëjtë dhe mesazhi ynë do të jetë i qartë. Nëse nuk i ndaloni veprimet e rrezikshme në Kosovë, njerëzit e Kosovës nuk janë pa mbështetje. Ne jemi ‘Anonymous’. Ne jemi Anonymous. Ne nuk falim. Ne nuk harrojmë. Na prisni”, thuhet në postimin e tyre.
Këtë të enjte, serbët janë tërhequr nga krijimi i trazirave duke liruar rrugët e bllokuara me kamionë. Madje gjatë natës janë djegur dy kamionë të vendosur në rrugën që lidh Zveçanit dhe Mitrovicës së Veriut.
