Një 60-vjeçare ka humbur jetën ditën e djeshme në Bashkinë e Lushnjes. 60-vjeçarja, Shpresa Cani nga nga fshati Fiershegan kishte shkuar në Bashhki të pyeste pse i kishin hequr ndihmën ekonomike.
Pas një takimi dhe debati të ashpër me punonjësit e zyrës së ndihmës sociale, 60-vjeçarja është takuar me kryebashkiaken Eriselda Sefa. Por menjëherë pas këtij takimi, 60-vjeçarja është ndjerë keq dhe ka humbur jetën.
Kryebashkiakja Eriselda Sefa për të prishur "magjinë" e fatkeqësvive në këtë bashki ka kërkuar therjen e një pule të zezë urgjentisht.
Pas publikimit të lajmit në media ka reaguar edhe policia e cila ka dyshime se 60-vjeçarja ka humbur jetën për shkaqe natyrale.
Njoftimi i policisë:
U referuan materialet në Prokurori për vlerësim, pasi në datën 28.12.2022, në ambientet e bashkisë së Lushnjës, ka humbur jetën shtetasja Sh. C., 60 vjeçe, banuese në Fiershegan. Paraprakisht dyshohet se 60-vjeçarja e ka humbur jetën nga shkaqe natyrale. Materialet procedurale i kaluan Prokurorisë, për veprime të mëtejshme.
