Tre persona janë arrestuar së fundmi në Qafë-Thanë, Pogradec pasi po trafikonin 58 kilogramë kanabis në drejtim të Maqedonisë së Veriut.
Mes tre të arrestuarve është edhe 28-vjeçarja Erisa Fero, shefe kompjuterike në Agjencinë Kombëtare e Shoqërisë së Informacionit, (AKSHI)
Punonjësja e AKSHI-t është pjesë e grupit që trafikonte kanabis nga zona e Shkodrës. Sipas "OraNews" në këtë grup krimnal janë të përfshirë edhe persona nga Fushë-Kruja dhe Korça.
Operacioni i nisur një vit më parë është finalizuar mëngjesin e sotëm në zonën e Qafë-Thanës. Në momentin që policia ka ndërhyrë, Erisa Fero ka qenë duke drejtuar automjetin ku në bagazh ndodheshin 58 kg kanabis. Në makinë së bashku me drejtoreshën e AKSHI-t ishte dhe Likmend Basha, djali i një biznesmeni nga Fushë-Kruja.
Ndërkohë që dy persona të tjerë me iniciale F. S., 30 vjeç dhe G. S., 28 vjeç u shpallën në kërkim pasi arritën të largohen me shpejtësi para se policia të ndërhynte.
Ky grup që merrej me trafikimin e lëndëve narkotike kishte si qëllim shkëmbimin e drogës në zonën e Qafë Thanës.
