Policët e burgjeve dhe ata të shtetit ishin të parët që denoncuan për JOQ mungesën e shpërblimeve për fundvit. Qeveria nuk u ofroi asnjë bonus për festa, duke u mohuar një atmosferë më të gëzuar në familje. Këtë herë janë edhe mjekët nëpër qendra shëndetësore, të cilët janë të revoltuar, pasi nuk marrin shpërblimin e fundvitit.
Shpërblimi në disa qendra është dhënë ndërsa në në disa të tjera ende jo. Bëhet fjalë për një shpërblim afro 15 mijë lekë të reja i cili sigurohet 5% nga buxheti vjetor dhe 20 % nga të ardhurat dytësore. Por një urdhër i kryeministrit për mos përdorimin e fondeve të veçanta për shpërblimin e punonjësve i ka penalizuar ata.
Së fundmi mjekët janë detyruar ta kërkojnë këtë të drejtë nëpërmjet një peticioni. Gjatë kohës së pandemisë, mjekët ishin pjesë e propagandës së qeverisë duke u cilësuar si heronjë, luftëtarë dhe shpëtimtarët e virusit. Por si duket "shërbimi" i tyre ndaj qeverisë përfundoi dhe për ta nuk pyet më njeri.
