Fluks automjetesh është parë të mërkurën në pikën kufitare Dheu i Bardhë, pas mbylljes së tri pikave tjera kufitare me Serbinë – Jarinjë, Bërnjak dhe Merdare.
Ekipi i Radios Evropa e Lirë publikoi pamje të fluksit të automjeteve në pikën e kalimit kufitar Dheu i Bardhë.
Pikëkalimet kufitare në Merdare, Jarinjë dhe Bërnjak, aktualisht janë të mbyllura për shkak të barrikadave të vendosura nga serbët në veri të Kosovës, si dhe barrikadës së vendosur në territorin e Serbisë, rreth dy kilometra nga Merdarja.
