Pas alarmit për mjet shpërthyes, aeroporti i Prishtinës “Adem Jashari” është mbyllur përkohësisht.
Ndërkohë, njësia K9 e deminimit në Policinë Kosovës ka arritur në Aeroport.
Policia e Kosovës ka njoftuar se sot në orët e paradites ka pranuar një informacion me përmbajtje kërcënuese, për mjete shpërthyese në aeroportin ndërkombëtar “Adem Jashari” në Prishtinë.
Pas këtij alarmi, për shkaqe sigurie aeroporti është mbyllur.
“Policia e Kosovës, sot në orët e paradites ka pranuar një informacion me përmbajtje kërcënuese, për mjete shpërthyese në aeroportin ndërkombëtar “Adem Jashari” në Prishtinë.
Bazuar në këtë informacion, Policia e Kosovës në bashkëpunim dhe koordinim me institucionet relevante, ka ndërmarrë veprimet e menjëhershme policore, ku për shkaqe sigurie ka mbyllur përkohësisht aeroportin.
Me qëllim të hetimit, kontrollit dhe masave të sigurisë, janë angazhuar njësitet relevante, andaj kërkojmë mirëkuptimin e të gjithë qytetarëve.
Policia e Kosovës do të vazhdoj të ju mbaj të informuar lidhur me zhvillimet e mëtejme deri në hapjen e aeroportit për qarkullim”, njofton Policia.
Ndërkaq zëdhënësja e Aeroportit, Valentina Gara pak më parë ka bërë të ditur se personeli dhe udhëtarët janë evakuuar në mënyrë të sigurtë.
