Politikani me fitimet më të larta të Rusisë, i cili e kishte kritikuar luftën e Vladimir Putinit në Ukrainë si “terror”, është gjetur i vdekur pas një rënieje misterioze në një hotel në Indi.
Manjati rus i mishit, Pavel Antov kishte qenë në një udhëtim për të festuar ditëlindjen e tij të ardhshme të 66-të dhe sipas mediave indiane ai u hodh nga çatia e hotelit dhe u gjet i mbulua në një pellg gjaku.
Udhërrëfyesi i tij indian e dërgoi me urgjencë në spital, por ai u deklarua i vdekur.
Konsulli i Përgjithshëm rus në Kalkuta, Alexei Idamkin tha për TASS se ai ra nga dritarja e një hoteli në Rayagada, Odisha.
“Ne po ndjekim nga afër hetimet dhe po marrim të gjitha informacionet nga policia e Odishës”, tha diplomati.
Në qershor, Antov kritikoi luftën dhe sulmet ajrore në Kiev si "terror" rus që plagos civilët ukrainas. Ai theksoi një sulm me raketa ruse dhe tha: "Një vajzë është nxjerrë nga rrënojat, babai i vajzës duket se ka vdekur... Nëna po përpiqet të tërhiqet me një vinç, ajo është e bllokuar nën një pllakë. Për të thënë të vërtetën, është jashtëzakonisht e vështirë ta quash këtë ndryshe përveç terror."
Një shok në partinë e tij kishte vdekur nga një atak në zemër të enjten e javës së kaluar dhe deputeti i pasur rajonal vdiq dy ditë më vonë.
