Transferimi i Cristiano Ronaldos te Al Nassr është thuajse i kryer. “CBS” raporton se marrëveshja është më pranë se asnjëherë më parë. I njëjti burim shton se klubi më i madh arab ka skeduluar vizitat mjekësore për yllin portugez, që pritet të zbarkojë në ditët në vazhdim në Arabi, për të mbyllur të gjitha detajet.
Ronaldo nuk mori asnjë ofertë të arsyeshme nga klubet e mëdha evropiane, pas ndarjes me United. Ai tashmë po i drejtohet fundit të karrierës, por është drejt firmës në kontratën më të pasur të karrierës së tij.
Nuk janë zbuluar shumë detaje, por raportohet që portugezi do të marrë rreth 200 milionë euro në sezon, pagë tërësisht jashtë realitetit evropian. Ndërkohë, ajo që na bën të ndihemi keq është se pas gati dy dekadash, arena e madhe evropiane do të humbë një nga më të mirët e historisë.
