Një dyzinë me forca speciale të policisë rrethuan zonën e "Fushë Kuqes" me synimin për të gjetur gjurmë të Ervis Martinajt. Prej më shumë se 5 muaj, Martinaj është zyrtarisht si i zhdukur, dhe policia nuk ka asnjë adresë të një nga personave më të kërkuar të drejtësisë.
Për të rënë në gjurmët e tij u bashkuan dy operacione policie, ai i “Plumbit të artë”, ku Nuredin Dumani ka rrëfyer gjithçka për SPAK dhe ku përmend emrin e Martinajt si porositës i vrasjes se Endrit Dokles dhe operacionit “Rrëmbim personi”, që ka të bëjë me dyshimet se bosi i lojrave të fatit është rrëmbyer nga kundërshtarët e tij. Megjithë mobilizimin e bluve, duket se edhe këtë herë dolën "duar bosh" nga një operacion që premtonte shumë.
Dyshohet se forcat e policisë kontrolluan tre banesa të xhaxhallarëve të Ervis Martinajt dhe gjetën vetëm armë dhe municione luftarake, gjë e cila nuk përbën lajm pasi ajo zonë njihet si bazë e të fortëve të Fushë Kuqe. Asnjë gjurmë nga Martinaj, asnjë informacion i vlefshëm për vendodhjen e tij si dhe asnjë "arrestim i madh" i personave të cilët dyshohet se mund të kenë ndihmuar Martinajn në aktivitetin e tij kriminal.
Dyshimet në media nga gazetarët e kronikës kanë qenë se Ervis Martinaj është rrëmbyer dhe vrarë nga bandat kundërshtare, por deri më sot nuk është gjendur trupi i tij. Kjo të bën të dyshosh se Martinaj mund të jetë gjallë dhe se po i fshihet më së miri drejtësisë. Të tjera dyshime hidhen mbi faktin se Ervis Martinaj po mbledh forcat e po "shëron plagët" për të marr hak për vrasjen e Brilant Martinajt dhe të disa miqve të tij.
Nëse është gjallë, Martinaj duket se po "shijon" i qetë festat e fundvitit, siç shijoi muajit e verës në plazh i ruajtur nga një polic i quajtur Jeton Lami. Drejtori i Policisë Rrumbullaku dhe SPAK premtuan se shumë shpejt do të japin një version zyrtar mbi fatin e Martinajt por që deri më sot po mbledhin vetëm armët që bosi i lojrave të fatit ka lënë fshehur në lagjen e tij, aty ku cilësohej si i paprekshëm.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
PERSONAZHI I VITIT
KLIKO PËR TË VOTUAR
Anri Kashiku
Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
Granit Xhaka
Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
Marin Mema
Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
Elvis Naçi
Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
Luiza Gega
Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
Robert Neçaj
Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
Kevin Qoku
Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
Fogerti
Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
Aleks Vishaj
Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
Rabie Koçi
Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Nënë Fatimeja
Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.
