Një javë më parë në Nea Smyrni, Greqi u vranë dy shtetasit shqiptarë Kreshnik Çerçizaj dhe Armando Ogranja.
Autoritetet greke që po merren me zbardhjen e kësaj çështje nuk përjashtojnë mundësinë që i njëjti autor të jetë edhe pas vrasjes së 32-vjeçarit shqiptar Aris Papa në maj 2021, në një kafene në Sepolia, si dhe të një bashkatdhetari 39-vjeçar, Dirkenc Halil në tetor 2021 në një kafene tjetër në zonën e Agios Pavlos në qendër të Athinës. Tre sulme vrasëse me ngjashmëri të habitshme po rishqyrtohen nga policia greke.
Dyshimet kryesore janë se vrasjet e shqiptarëve kanë lidhje trafikun e drogës dhe nxitjen e mosmarrëveshjeve mes bashkëpunëtorëve.
Kreshnik Çerçizaj i njohur si “Nikos” që u vra javën e kaluar dyshohet se ka pasur “përplasje” kryesisht me banditë shqiptarë të burgosur me pushtet të madh në zonën e mafies shqiptare.
Thuhet se shqiptari “Nikos” nuk u ka bërë presion tregtarëve grekë të drogës por ka pasur probleme me bashkatdhetarët e tij për të ardhurat nga aktivitetet e paligjshme.
