Një video e publikuar në rrjetin social TikTok është bërë virale dhe ka ngjallur shumë reagime te opinioni publik në Kosovë.
Në video, shihet se një vajzë e vogël e komunitetit RAE, largohet dhunshëm nga një kamarier i një kafiterie.
Siç duket në video, derisa Ministri i Bujqësisë Faton Peci po e shijonte kafenë e tij me një njeri të panjohur, një vajzë e vogël e komunitetit pakicë i afrohet për të kërkuar lëmoshë.
Dhe siç mund të shihet fare qartë në video, Ministri Pecias nuk e kthen kokën për tiu përgjigjur apo refuzuar kërkesën e vajzës së vogël për lëmoshë.
Kamarieri i lokalit, pasi sheh vajzën që nuk po largohej derisa po kërkonte lëmoshë, dhe e cila ndodhej afër tavolinës së ministrit, e merr atë dhunshëm për ta larguar krejtësisht nga lokali.
