Policia ka arrestuar një 22-vjeçar i nga Ksamili, i cili përplasi ditën e djeshme me makinë një fëmijë 3-vjeçare. Policia bën me dije se i arrestuari është personi me inicialet, M.M, banues në Ksamil. Mësohet se 3-vjeçarja ndodhet aktualisht në spitalin e Traumës, për shkak të lëndimeve të rënda trupore që ka pësuar nga përplasja.
NJOFTIMI I POLICISË:
Nga Specialistët e Qarkullimit Rrugor në Sarandë u bë arrestimi në flagrancë i shtetasit M. M., 22 vjeç, banues në Ksamil, pasi ditën e djeshme duke drejtuar automjetin tip “Hyndai”, ka aksidentuar në rrugë, një fëmijë 3 vjeçe, e cila aktualisht ndodhet në spitalin e Traumës, në Tiranë.
