Një djalë dhe një vajzë u vranë dhe dy adoleshentë të tjerë u plagosën të premten në një të shtëna jashtë një shkolle të mesme në Chicago, SHBA.
Të shtënat ndodhën rreth orës 1:50 pasdite jashtë Akademisë Komunitare Benito Juárez.
"Ne po kryejmë një hetim të plotë," tha Policia e Chicagos. Ndërkohë ende asnjë i dyshuar nuk është arrestuar. Polici David Brown tha se nuk ishte përcaktuar nëse viktimat ishin nxënës të shkollës.
Një nxënës tha se ai kishte pritur para shkollës që babai i tij ta merrte kur dëgjoi të shtënat.
“Ishte çmenduri. Dëgjova dy të shtëna dhe më pas të gjithë filluan të vrapojnë dhe hynë brenda”, tha nxënësi.
