Avokatja e emigracionit, Madill: Shqiptarët mbahen 6 orë në pyetje, klientët e mi vijnë me shenja dhune

Shkruar nga: Bardh Kodheli | Publikuar më: 17.12.2022, 10:22

Esme Madill është një avokate, e cila punon më së shumti me shqiptarët që mbërrijnë në Londër dhe i ndihmon të kërkojnë azil në Britani dhe të plotësojnë procedurat e nevojshme. Javën e kaluar ajo ka folur para Komisionit të Punëve të Brendshme dhe ka mbrojtur fort emigrantët që mbërrijnë në Angli nga Shqipëria.

Madill, e cila është avokate në Qendrën Juridike në Islington hedh poshtë akuzat e hedhura nga politika dhe mediat angleze se emigrantët shqiptarë po përfitojnë dhe po mashtrojnë sistemin ligjor anglez të refugjatëve. Kjo deklaratë e saj vjen pasi u mësua se shumica e shqiptarëve nuk do të jenë në gjendje të kërkojnë azil, sipas planeve të qeverisë.

“Disa emigrantë shqiptarë nuk mund të tregojnë kurrë historitë e tyre. Disa vajza që kanë qenë të shfrytëzuara për prostitucion, nuk do të thonë kurrë se çfarë kanë kaluar. Disa djem që janë mbajtur për shtatë, tetë, nëntë muaj të mbyllur në shtëpi me kanabis… ata kurrë nuk do të më tregojnë gjithçka që kanë kaluar.

Shpesh klientët e mi kanë plagë, shenja litari në shpinë nga rrahjet apo nga përpjekjet për të ikur. [Rrëmbyesit] i dhunojnë barbarisht si ndëshkim për humbjen e lëndës narkotike dhe të gjithë djemtë kanë prerje të rënda që janë infektuar”, shtoi ajo.

Madill thotë se shumë shqiptarë, që mbërrijnë si azilkërkues në Britani po i shpëtojnë dhunës ose janë trafikuar për të shlyer borxhet e familjes, një rast që ndodh rëndomtë në fakt në vendin tonë. Ka plot raste kur djem të rinj përfundojnë në shtëpitë e barit me qëllimin për të nxjerrë familjen nga borxhet.

“Familjet mund të kenë marrë borxhe për të paguar kujdesin mjekësor, për një operacion të syrit për të shpëtuar shikimin e dikujt brenda familjes, ose kanë marrë para borxh për një fëmijë me aftësi të kufizuara që të operohet.

Dhe për shkak se nuk ka të njëjtat mundësi për huadhënie parash që do të kishte këtu, ata do t'i marrin ato para borxh nga bandat e krimit. Atëherë trafikantët shkojnë dhe marrin një fëmijë për të punuar në kanabis për të shlyer atë borxh”, tregon Madill.

Madill shprehet gjithashtu se emigrantëve shqiptarë u bëhen një numër shumë i madh pyetjesh dhe mbahen deri në gjashtë orë në intervistë. Kjo provë, sipas saj, është e pamundur të kalohet nga një njeri i thjeshtë dhe është provë që sistemi nuk është aspak i lehtë.

"Pesë klientëve të mi fundit që shkuan për intervista iu bënë mesatarisht 126 pyetje në detaje rreth arsyeve që ata po ikin. Kushdo që apelon një vendim të zyrës së Home Office duhet t'i nënshtrohet një tjetër ‘dëgjimi kundërshtues’.

Unë mendoj se ne flasim shumë për njerëzit që mashtrojnë sistemin dhe nuk jam e sigurt nëse është gjithmonë e qartë se sa rigoroz është sistemi. Nuk është një sistem i lehtë për t'u mashtruar, në fakt është shumë e vështirë për njerëzit e zakonshëm të kalojnë atë sistem”, përfundoi Madill.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
PERSONAZHI I VITIT
KLIKO PËR TË VOTUAR
  • Anri Kashiku
    Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
    Granit Xhaka
    Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
    Marin Mema
    Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
    Elvis Naçi
    Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
    Luiza Gega
    Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
    Robert Neçaj
    Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
    Kevin Qoku
    Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
    Fogerti
    Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
    Aleks Vishaj
    Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
    Rabie Koçi
    Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
    Nënë Fatimeja
    Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.
Më të Lexuarat
Shkarkoni aplikacionin JOQ ALBANIA në platformat
Më të fundit