Shqiptarët janë epiqendra e medieve britanike dhe së fundmi edhe ata që janë brenda burgjeve kanë arritur të bëhen protagonistë. “Daily Mail” i ka dedikuar së fundmi një artikull Edison Kaculit dhe të njohurve të tij, të cilët sipas medieve, sfidojnë policinë britanike duke futur celular në burg dhe publikuar video në Tik Tok.
Daily Mail shkruan se gangsterët shqiptarë po postojnë video nga brenda burgut në llogaritë e rrjeteve sociale. Një video e publikuar në TikTok tregon të dënuarin Edison Kaculi, 28 vjeç, duke bërë simbolin e armës me duar, ndërsa ai dhe miqtë kërcenin në një qeli me muzikë rrep.
Kaculi, i cili mendohet se ka hyrë ilegalisht në Mbretërinë e Bashkuar tre vjet më parë, u dënua në korrik për atë që gjykatësi e përshkroi si një 'sulm të tmerrshëm' në një mosmarrëveshje droge.
Në një nga disa video të postuara nga një përdorues gjatë ditëve të fundit, Kaculi shihet duke pirë duhan në qeli dhe një zë thotë: 'Gang s***, çunat e mi”, ndërsa përdorin duart për të bërë gjeste me armë. Nuk është e qartë se në cilin burg në Mbretërinë e Bashkuar janë filmuar pamjet.
Edison Kaculi
Foto të tjera tregojnë një grup prej katër burrash të ulur në një qeli të veshur me pantallona sportive dhe tuta ndërsa bëjnë gjeste fyese ose armë me duar.
Komentet në dy nga videot identifikojnë Kaculin. Një nga ndjekësit shkruan: “Lirim të shpejtë, Edison Kaculi”. Videot u hoqën më vonë pasi “MailOnline” kontaktoi Ministrinë e Drejtësisë dhe u krye një kontroll në burg, megjithëse nuk dihet nëse telefoni u zbulua.
Por përpara se të hiqeshin, më shumë se 13,000 njerëz panë videot, që tallnin shërbimin e burgut dhe përpjekjen e tij për të eliminuar telefonat brenda qelive.
Sipas statistikave të fundit të Home Office, aktualisht janë më shumë se 1330 shqiptarë, që vuajnë dënimin në burgjet e Mbretërisë së Bashkuar, duke i kushtuar taksapaguesit britanik më shumë se 57 milionë paundë në vit.
Kaculi u burgos për një sulm që ndodhi në Gravesend, Kent, në qershor 2020, ku një burrë përfundoi me një sërë lëndimesh të rënda.
Gjykata e Maidstone Crown dëgjoi se si ai ishte goditur me thikë pesë herë në këmbë, kishte humbur disa dhëmbë dhe ishte lënë i mbuluar me prerje dhe mavijosje, pasi iu zu pritë nga dy banda të ndryshme brenda pak minutash.
Kaculi, pa adresë fikse, ishte i pari që mbërriti në vendin e sherrit në vendngjarje dhe e shtyu viktimën nga biçikleta, përpara se ta godiste vazhdimisht me grushte dhe shkelma. Ai mohoi të ishte përgjegjës për goditjen me thikë, por u deklarua fajtor për plagosje.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
PERSONAZHI I VITIT
KLIKO PËR TË VOTUAR
Anri Kashiku
Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
Granit Xhaka
Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
Marin Mema
Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
Elvis Naçi
Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
Luiza Gega
Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
Robert Neçaj
Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
Kevin Qoku
Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
Fogerti
Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
Aleks Vishaj
Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
Rabie Koçi
Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Nënë Fatimeja
Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.
