Ditën e sotme Rama i shoqëruar nga ministrja e Bujqësisë Krifca kanë inspektuar zonën ku do të ndërtohet resorti agroturistik i Ceren Ismet Shehut. Rikujtojmë se kuzhinieri i cili ka “respektuar” kryeministrin dhe kabinetin qeveritar u shpall investitot strategjik dhe përfitoi me 1€ tokën e repartit të braktisur ushtarak në Surrel. Këtë tokë Cereni mund ta përdorë për 20 vite për vlerën prej 1€.
40 mijë metra katrorë është hapësira që kompanisë së Cerenit i është vënë në përdorim nga shteti.
Resorti do të përfshijë disa ambiente, duke përmendur këtu restorantin, pishinë verore, serë, pra një projekt i ngjashëm si ai i Gjergj Lucës në Labinot. Rolet e njëjta për Rilindjen është ajo çfarë i bashkon këta personazhe dhe jo vetëm.
Rikujtojmë se qeveritarët kanë një pikë të dobët për kuzhinierët e tyre të “oborrit mbretëror”. Përmendim këtu Alfio Rrotanin, kuzhinierin e Dritan Agollit me restorant përballë zyrave të FSHZH e njëkohësisht kryekuzhinier i restorantit të të birit Flladit në Gjirin e Lalëzit.
I denoncuat nga JOQ, Rrotani përfitoi një tender nga Agolli me vlerë 400 MLN Lekë, procedurë prokurimi për të cilën drejtori i FSHZH përfundoi në SPAK.
