Një inspektim i befasishëm i forcave të armatosura të Bjellorusisë që synon të vlerësojë aftësinë e tyre për të garantuar sigurinë e kësaj ish-republikës sovjetike, e cila është aleate e Rusisë, filloi sot me urdhër të presidentit bjellorus Alexander Lukashenko.
Ushtarët që marrin pjesë në inspektim "duhet të lëvizin sa më shpejt të jetë e mundur në zonat e përcaktuara, të instalojnë pajisje mekanike dhe të organizojnë sigurinë dhe mbrojtjen e tyre," tha Ministria e Mbrojtjes në një deklaratë, e cila nuk specifikoi numrin e ushtarëve, as automjetetet që po marrin pjesë në këtë inspektim të befasishëm.
Ata gjithashtu duhet të praktikojnë vendosjen e urave të përkohshme përtej lumit Neman, i cili rrjedh përmes Bjellorusisë, Rusisë dhe Lituanisë, dhe lumin Berezina.
Aleati i Rusisë, Bjellorusia u përdor si bazë e pasme nga forcat ruse në ofensivën e tyre kundër Ukrainës në fund të shkurtit, por ushtria bjelloruse deri më tani nuk ka marrë pjesë në luftimet në tokën ukrainase.
Në mes të tetorit, Bjellorusia dhe Rusia kishin njoftuar krijimin e një force të përbashkët ushtarake, e cila, megjithatë, ka vetëm një qëllim mbrojtjen.
