Ish-prokurorja Antoneta Sevdari ka arritur të fitojë çështjen kundër qeverisë në Gjykatën e Strasburgut. Ajo u shkarkua pasi nuk arriti të kalonte deri fazat e fundit procesin e vetingut.
Gjykata e Strasburgut në vendimin e saj arsyeton se në rastin e ish-prokuorores ka shkelje të nenit 8 dhe se shkarkimi nuk ka qenë proporcional. Për pasojë, shteti shqiptar do ta dëmshpërblejë Sevdarin me 24 600 euro.
Ajo e kaloi shkallën e parë të vetingut dhe u zgjodh anëtare e Këshillit të Lartë të Prokurorisë, por më pas u shkarkua nga detyra nga KPA-ja. Pas këtij vendimi, Sevdari e çoi çështjen në gjykatën e Strasburgut.
Ish-prokurorja u shkarkua në vitin 2019 nga trupa e vetingut, ku ishte pjesë edhe Luan Daci, ndaj të cilit Sevdari shprehej se është shkarkuar nga një prokuror që nuk di të shkruajë dhe ka një CV “ulëritëse”.
Sipas saj, në Kolegjin e Posaçëm të Apelimit qëndrojnë me shumicë persona pa integritet moral dhe profesional, që nuk e njohin Kodin Penal dhe në vend të reformimit të drejtësisë shqiptare, po e shkatërrojnë atë në themele.
Para Sevdarit, Gjykata Evropiane e të Drejtave të Njeriut i dha të drejtë edhe ish-prokurorit Besnik Cani, i shkarkuar në vitin 2020 gjatë procesit të vetingut. Ndërkohë, Luan Daci është shpallur fajtor nga gjykata e posaçme GJKKO për falsifikim.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
