Ministria e Punëve të Brendshme e Maqedonisë së Veriut njofton opinionin se janë bërë të gjitha kontrollet e nevojshme në lidhje me raportimet e sotme nga shkollat dhe objektet tjera në Shkup dhe Kavadar, të cilat kanë marrë mesazh në adresën e emailit me kërcënim për mjet shpërthyes.
Pas kontrolleve MPB ka konstatuar se bëhet fjalë për raportime të rreme.
“Menjëherë pas marrjes së denoncimeve, nga punonjësit e policisë janë marrë masat për evakuimin e sigurt të objekteve dhe më pas janë kryer kontrolle të hollësishme nga grupet e inspektimit antiterror dhe është konstatuar se bëhet fjalë për kallëzime të rreme”, thonë nga MPB Maqedoni.
