Studimi i ri pohon se personat që i përfshinin më shumë perimet në dietën e tyre kishin vinin re përmirësim të kujtesës. Më poshtë do të lexoni se cilat ushqime ndikojnë më shumë në trurin tonë.
I keni dëgjuar prindërit tuaj që ju thonë ‘hani frutat dhe perimet"? Padyshim që po dhe kanë të drejtë. Frutat dhe perimet janë ndër ushqimet më të shëndetshme në planet. Ato i sigurojnë trupit një sërë vitaminash, mineralesh, fibrash dhe lëndë ushqyese të tjera thelbësore si antioksidantët, të cilët janë shumë të rëndësishëm për një shëndet të mirë dhe për uljen e rrezikut të sëmundjeve kronike si sëmundjet e zemrës dhe kanceri, dy shkaqe të rëndësishme të vdekjes.
Sipas një studimi të ri, të publikuar nëntorin e kaluar në revistën shkencore Neurology, njerëzit që konsumojnë më shumë ushqime të pasura me antioksidantë, të cilat janë të bollshme në disa fruta dhe perime, mund të kenë një shkallë të reduktuar të humbjes së kujtesës. “Nivelet e larta të antioksidantëve të frutave dhe perimeve, duke përfshirë polifenolet, flavonolet dhe komponimet e tjera bioaktive, reduktojnë inflamacionin në trup, gjë që mund të kontribuojë në humbjen e kujtesës”, thotë një dietolog klinik amerikan.
Për të arritur këto përfundime, studiuesit në Qendrën Mjekësore të Universitetit Rush në Çikago ndoqën 961 pjesëmarrës me një moshë mesatare 81 vjeç për rreth shtatë vjet. Rezultatet treguan se ata që konsumuan më shumë flavonole kishin një rënie të kujtesës prej 0.4 pikësh më pak për dekadë, krahasuar me ata që kishin konsum të pamjaftueshëm të flavonolit.
Kështu ngrënia e më shumë frutave dhe perimeve të pasura me flavonole antioksidante mund të zvogëlojë humbjen e kujtesës kur kombinohet me ushtrime të rregullta dhe aktivitete që aktivizojnë mendjen.
Cilat janë këto fruta dhe perime?
Kryesisht molla, brokoli, lakra jeshile, vaj ulliri, portokalli, dardha, spinaqi dhe domatet. Duke qenë se përveç këtyre ka edhe ushqime të tjera që i kanë këto veti, sekreti është të hani shumëllojshmëri. Rregulli i përgjithshëm është se sa më të errëta të jenë frutat dhe perimet, aq më e lartë është përmbajtja e flavonolit, thonë ekspertët, me manaferrat në krye dhe perimet me gjethe të errëta.