Policia spanjolle ka arritur të mbyllë me sukses një operacion të madh, duke ndaluar një anie brenda së cilës u gjetën disa ton kokainë, e ardhur nga Amerika Latine.
Në këtë ndërhyrje të zhvilluar në Oqeanin Atlantik, mediat spanjolle raportojnë se policia ka arrestuar edhe disa persona, pa përcaktuar ende qartë numrin e tyre, por edhe sasinë e drogës.
Mes detajesh të tjera raportohet se pas kësaj sasie të frikshme kokaine fshihet një organizatë mafioze shqiptare me qendër në Galicia dhe në Amerikën e Jugut.
Në vitet e fundit trafikantët shqiptarë kanë arritur të marrin përsipër edhe transportin e kokainës direkt nga Amerika Latine për në Europë, një ndërmarrje, që i ka bërë ata pronarë të qindra miliona eurove.
