Xhamitë në Katar, atraksioni kryesor i tifozëve të Kupës së Botës

Prej disa javësh tanimë, Katari është kthyer në kryeqendrën botërore të sportit dhe jo vetëm.

Miliona tifozë nga e gjithë bota kanë mbërritur në Katar për të mbështetur Kombëtaret e tyre të preferuara. Por përveç sportit, tifozët në kohën e lirë po vizitojnë atraksionet më të famshme turistike në Doha. Muzetë dedikuar sportit, rrokaqiejt luksozë, shëtitjet nëpër tregjet tradicionalë dhe vizitat në xhamitë tradicionale janë atraksionet më të preferuara të tyre.

Por duke u ndalur te xhamitë, interesi i tifozëve është tepër i lartë pasi duan të dinë më tepër rreth Islamit dhe kulturës së Lindjes së Mesme. Sadat Anwar, vullnetar në xhami thotë se interesi i tifozëve është shumë i lartë. Sipas tij tifozët vlerësojnë arkitekturën dhe bukurinë e xhamive.

Shumë njerëz janë të interesuar, kjo është ajo që ne prisnim dhe shpresonim. Shumë tifozë po shkëputen nga futbollit dhe ndeshjet për të përjetuar një pjesë të kulturës së Katarit. Ne kemi shumë vizitorë këtu në Xhaminë Blu ose xhaminë Katara. Njerëzit janë vërtet të interesuar të shohin arkitekturën, të vlerësojnë bukurinë e xhamisë dhe të shikojnë besimtarët teksa angazhohen në një nga pesë lutjet ditore.

Maria Rodrigues, një tifoze argjentinase është një nga shumë vizitorë të tjerë që donte të vizitonte xhaminë Katara pasi erdhi nga Argjentina për të parë Kupën e Botës.

Që kur isha fëmijë më interesonte gjithmonë feja dhe kryesisht feja e Lindjes së Mesme. Kur bashkë me familjen vendosëm që të vinim këtu në Katar për Kupën e Botës, ishim shumë të emocionuar të njihnim xhami të ndryshme dhe me të vërtetë fenë. Kur hyra për herë të parë në xhami u ndjeva shumë rehat dhe e sigurt.

Mosques in Qatar have become some of the main attractions for World Cup fans pic.twitter.com/q1IERDgkDp

— Reuters (@Reuters) December 8, 2022