Autoritetet në Iran kanë ekzekutuar një protestues, i cili ishte dënuar me vdekje për therjen me thikë të një anëtari të forcave të sigurisë dhe bllokimin e një rruge në Teheran.
Lajmim e ka bërë të ditur agjencia e lajmeve Tasnim, e cila konfirmon se është ekzekutuar Mohsen Sakari.
Një valë protestash ka shpërthyer në Iran pas vdekjes më 16 shtator të Mahsha Amini. 22-vjeçarja u arrestua nga policia e moralit për mosmbajtjen e shamisë.
Më shumë se 400 njerëz janë vrarë në trazirat, duke përfshirë dhjetëra anëtarë të forcave të sigurisë, tha një gjeneral i Gardës Revolucionare javën e kaluar, ndërsa mijëra të tjerë janë arrestuar.
