Shpesh herë jemi mësuar të dëgjojmë vetëm për akte dhunë, të bërtitura, sherre, biseda me zë të lartë, shoferë që vetëm i bien borive për çdo gjë, e shumë ngjarje të tjera banale mes njerëzve në mjedise publike.
Në shumë raste autorët e këtyre episodeve janë të njohur por dhe të panjohur mes tyre. Madje që kur del nga dera e shtëpisë përballesh me të tilla ngjarje aq shpesh sa të pushton zymtësia.
Por duket se jo çdo gjë është e zezë dhe drita në fund të tunelit mund të shquhet në disa raste. I tillë është episodi që ka ndodhur para pak ditësh pranë zonës së njohur si “Kthesa e Kamzës” në Tiranë.
Një burri të moshuar i kishin rënë në mes të rrugë disa arka me fruta e perime duke e penguar kalimin normal të automjeteve. Në ato momente një djalë i panjohur që po kalonte me makinë ka ndaluar dhe filluar të ndihmojë të moshuarin për mbledhjen e frutave e perimeve në mënyrë që të mos shkeleshin nga automjetet e tjera që kalonin.
Këtë skenë e ka parë rastësisht një vajzë që po kalonte me makinë dhe e ka filmuar. E prekur nga gjesti i djalit ajo e dërgoi pranë redaksisë sonë me mesazhin e mëposhtëm:
Pershendetje Joq, para disa ditësh afër pallateve te verdha te kthesa e Kamzes djali doli nga makina dhe po ndihmonte kete xhaxhin. I kishin rene këto arkat dhe produktet kishin bllokuar rrugën. Papritur ky djali ndaloi makinën dhe doli ta ndihmonte. Flm.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.