155 persona u plagosën lehtë, mëngjesin e sotëm, në Barcelonë kur dy trena u përplasën në stacionin Montcada i Reixac.
Autoritetet thonë se pesë pasagjerë janë dëmtuar rëndë dhe ndodhen në spital, ndësa 150 të tjerë kanë marrë dëmtime të lehta.
“Ne ishim duke pritur trenin dhe dëgjuam përplasjen. Treni i ndaluar lëvizi dy metra dhe më pas u ndal. Shumë njerëz u rrëzuan sepse treni ishte plot”, tha një dëshmitar.
Mediat e huaja shkruajnë se ende nuk dihen rrethanat në të cilat ka ndodhur aksidenti.
