Është zbardhur një pjesë e asaj që ka thënë në polici Ermira Kaçaçi, nëna e Gert Shehut, i cili qëlloi ish-kryeministrin Sali Berisha me grusht. Ajo ka deklaruar se djali i saj vuan prej pesë vitesh nga çrregullime të shëndetit mendor dhe se merrte ilaçe në mënyrë të vazhdueshme nga mjeku Sadik Lala.
Në dëshminë e dhënë në komisariatin numër 1 në Tiranë, ajo tregon se djali i saj qëndronte gjithnjë i mbyllur në shtëpi sa herë kishte protesta, si dhe 31-vjeçari nuk ishte angazhuar asnjëherë me ndonjë forcë politike. Sipas saj, Gerti demonstronte sjellje bipolare.
Kohët e fundit ajo tregon se ai ka shfaqur edhe shenja agresiviteti. Në drejtorinë e policisë së Tiranës janë thirrur edhe dëshmitarët okularë të ngjarjes, mes tyre edhe truprojat e Berishës, që edhe e dhunuan autorin, pasi ai sulmoi Berishën.
Ata do të pyeten në cilësinë e personit dëshmitar, por edhe në kuadër të neutralizimit të dhunshëm, që iu bë agresorit. Ditën e djeshme policia ka mbërritur në shtëpinë e një prej truprojave të Berishës, për ta shoqëruar dhe për t’i marrë dëshminë. Truproja tjetër është paraqitur vullnetarisht.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
