Një 25-vjeçar është arrestuar ë fundmi pasi dyshohet se ka përdhunuar një vajzë të mitur.
Në prangat e policisë Tropojë ka rënë shtetasi me iniciale E.B 25-vjeç, banues në Shënavlash, Durrës. Ky shtetas është arrestuar pasi një vajzë 16-vjeçare ka deklaruar se 25-vjeçari ka kryer marrëdhënie seksuale me të, pa dëshirën e saj.
Njoftimi i policisë:
Specialistët për Hetimin e Krimeve të Komisariatit të Policisë Tropojë arrestuan shtetasin E. B., 25 vjeç, banues në Shënavlash, Durrës, pasi ka kallëzuar një shtetase e mitur 16 vjeçe se 25-vjeçari ka kryer marrëdhënie seksuale me të, pa dëshirën e saj. Vijon puna, nën drejtimin e Prokurorisë pranë Gjykatës së Rrethit Gjyqësor Tropojë, për verifikimin e plotë të këtij kallëzimi.
