Personi në foto është 42-vjeçari shqiptar nga Xhafzotaj i Shijakut, që u ekzekutua me dy plumba në Gjermani, në qytetin Krefeld, Gjermani pak ditë më parë.
Mari Muka u qëllua pas koke, ndërsa policia gjermane ka arrestuar si autor të dyshuar të vrasjes dy të rinj po nga Shqipëria, 20 dhe 26 vjeç.
Viktima rezultoi të jetë pronar i një pike karburanti në Shijak, ndërkohë që në vitin 2018 kishte emigruar drejt Gjermanisë.
Familja e tij në Shijak ka hapur dyert e mortit dhe ka njoftuar se ceremonia mortore e Mari Mukës do të mbahet të premten e 2 dhjetorit.
Ndërkohë një letërporosi e ardhur nga Gjermania ka vënë në lëvizje edhe policinë shqiptare, e cila po heton në lidhje me të shkuarën e 42-vjeçarit nga Shijaku.
