Janë përcjellë për në banesën e fundit dy vajzat e reja që humbën jetën mëngjesin e djeshëm në autostradën Tiranë-Durrës.
26 vjeçarja Silva Gjergji dhe Roxhesa Klironomi 24 vjeçe po ktheheshin nga Durrësi bashkë me 26-vjeçarin Arbër Tivari, kur ky i fundit drejtues i mjetit "Ford" humbi kontrollin dhe doli nga rruga. Tre të rinjtë pasi kishin darkuar së bashku në Durrës deri në 2 të mesnatës, po ktheheshin për në Tiranë.
Por në kilometrin e 7 të autostradës për rrethana ende të paditura 26-vjeçari ka humbur kontrollin duke u përplasur me mbrojtëset anësore dhe duke dalë jashtë rrugës.
Dy vajzat e reja Silva Gjergji dhe Roxhesa Klironomi kanë humbur jetën në vendngjarje ndërkohë që drejtuesi Arbër Tivari ndodhet në gjendje të rëndë në Spitalin e Traumës.
Arbër Tivari është arrestuar pasi dyshohet se shpejtësia e lartë është bërë shkak për aksidentin e rëndë. 26-vjeçari është një emër i njohur për policinë. Ai njihej si person problematik në Durrës, teksa në mars të vitit 2021 mbeti i plagosuri pas një konflikti çasti me Alket Buçpapaj, i cili pasi qëlloi me armë zjarri u largua menjëherë nga vendi i ngjarjes.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
