Sot bëhen 25 vjet qëkur Ushtria Çlirimtare e Kosovës (UÇK) doli në skenë për herë të parë.
Data që u përzgjodh ishte e veçantë. Më 28 nëntor 1997. Në Ditën e Flamurit.
Ish-gjenerali i kësaj trupe, Sami Lushtaku e kujton me krenari atë kohë.
“Ka qenë diçka e jashtëzakonshme, madhështore. Gjithçka ka qenë e përbashkët. Grupi i Adem Jasharit kishte filluar aksionet qysh në vitin 1991. Ato aksionet e para, të dyta, e të treta, ishin njëfarë kënaqësie e veçantë në një datë të veçantë, Ditën e Flamurit”, theksoi Lushtaku.
28 Nëntori bëhet edhe më patriotik, shkaku që në këtë datë feston ditëlindjen komandanti legjendar, Adem Jashari. Ai u vra më 7 mars, 1998, pas një sulmi brutal dhe një masakre nga forcat serbe ndaj familjes Jashari në Prekaz.
Në të gjallë, komandanti legjendar i ka festuar bashkë me luftëtarë gjithmonë këto kremte.
“Kam pasë fatin të jem bashkëluftëtar i Adem Jasharit. Është një fakt që 28 Nëntorin e kemi festuar gjithmonë bashkë dhe mënyrë të veçantë, edhe për shkak të Ditës së Flamurit edhe për shkak të ditëlindjes së komandantit”.
Ky veçon një moment nga ndejat festive me të.
“Kam shumë kujtime me të. Adem Jashari e ka dashtë një film për Çerçiz Topullin. Më kujtohet edhe pamjen gati e patë bë si të njëjtë. Kur ishim bashkë thojke hajde t`ia kthejmë namin Kosovës si Çerçiz Topulli. Kemi bo hajgare, kemi këndu”, theksoi Lushtaku për “Front Online”.
Lushtaku vlerëson se Adem Jashari do të ishte krenar me Kosovën e sotme.
“Besoj që Adem Jashari do të ishte i përmbushur me pa një president, një kryeministër, me pa ushtrinë e policinë e Kosovës. Kosova ka storje suksesi. Mendoj që edhe komandanti do të ishte i lumtur me arritjet e Kosovës, ani se ka edhe shume defekte”.
Për nder të 28 Nëntorit të sivjetmë, gjenerali pati një mesazh për gjeneratat e reja.
“Lutja ime është që ta duan Kosovën shumë. Kosova është atdheu i tyre”, përfundoi Lushtaku.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
