Një e treta e njerëzve që kanë lindur në Shqipëri janë larguar dhe jetojnë jashtë vendit. Ky është alarmi që ngre revista prestigjioze Forbes, në kuadër te situatës aspak të qetë me shqiptarët që mbërrijnë dita-ditës në numra të frikshëm në Britaninë e Madhe me gomone.
Llogaritja u bë sipas numrit të shqiptarëve që jetojnë jashtë vendit, në raport me totalin e popullsinë. Kështu, Shqipëria ka një diasporë prej 1.2 milionë njerëzish, që e vendos atë edhe mbi vendet si Siria, Moldavia apo Armenia. Shetet që janë mbi Shqipërinë janë Bosnja me 34% të popullsisë jashtë vendit dhe Guajana me 36.4%.
Ndërkohë, sipas të njëjtit burim, gjysma e popullsisë që ndodhet ende në Shqipëri planifikon ose dëshiron që të largohet jashtë vendit. Kjo është edhe arsyeja përse ne po vuajmë për profesionistë në mjekësi si dhe krah punë në hoteleri, turizëm, prodhim dhe bujqësi.
Forbes ngre alarmin edhe në lidhje me pensionet për shkak se po ulet gjithnjë e më shumë numri i njerëzve që paguajnë sigurime shëndetësore, çka e bën të vështirë edhe pagesën e pensioneve si dhe mbulimin e kostove të kujdesit shëndetësor dhe arsimit.
Revista e njohur e quan Shqipërinë një vend të sigurt për sa i përket luftërave, por të rrënuar në shumë çështje të tjera. Ne jemi një nga vendet më të varfra në Europë dhe luftojmë çdo ditë me korrupsionin, problemet me sistemin e drejtësisë dhe sundimin e ligjit, krimin e organizuar dhe infrastrukturën.
Vendi ka shkallë të ulët të krimit në përgjithësi, por ata që janë viktima shpesh e kanë të vështirë të gjejnë drejtësi dhe përfundojnë duke ndjerë se nuk ka zgjidhje tjetër veçse të largohen.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
