Një palë shapka të Steve Jobs që ende ruajnë gjurmët e këmbëve të tij janë shitur në një ankand me një çmim rekord.
Shapkat gjermane prej kamoshi të veshura nga Steve Jobs në vitet 1970 dhe 1980, u shitën këtë javë për gati 220,000 dollarë, çmimi më i lartë i paguar ndonjëherë për një palë shapka.
I ndjeri Jobs veshi shapkat Birkenstock Arizona ndërsa ecte në dyshemetë e shtëpisë në Kaliforni, ku ai dhe Steve Wozniak bashkë-themeluan Apple në 1976. Shapkat, të cilat sot shiten me pakicë për 125 dollarë, pritej të shiteshin për 60,000 dollarë. Por një blerës i paidentifikuar i bleu ato me çmimin përfundimtar 218,750 dollarë. Në përshkrimin e shapkave thuhej:
Steve Jobs i veshi këto shapka gjatë shumë momenteve kryesore në historinë e Apple. Në vitin 1976, ai krijoi fillimet e kompjuterit Apple në një garazh në Los Altos me bashkëthemeluesin e Apple, Steve Wozniak, ndërsa herë pas here mbante këto shapka.
Shapkat ishin një pjesë themelore e garderobës së Jobs. Një ish e dashura tha në një intervistë të vitit 2018 se ai i vishte ato edhe në dimër. Shapkat janë paraqitur në ekspozita të shumta nga Nju Jorku në Milano.
Jobs dhe Wozniak bashkëthemeluan Apple në shtëpinë e prindërve të Jobs në Los Altos, Kaliforni. Prona u emërua një pikë referimi historike nga Komisioni Historik Los Altos në 2013. Jobs vdiq në vitin 2011 nga ndërlikimet e kancerit të pankreasit.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
