Një ngjarje e rëndë është regjistruar në Kukës ditën e djeshme. Burime për JOQ bëjnë me dije se pas dy javesh i humbur, është gjetur i pajetë në banesën e tij 50-vjeçari Albert Krasniqi.
Kanë qenë fqinjët e tij ata që kanë bërë denoncimin në polici pasi kanë ndjerë erën e kufomës së dekompozuar rreth orës 18:00 të pasdites së djeshme.
Sipas të njëjtave burime, 50-vjeçari ka tentuar më parë vetëvrasjen.
Të njohur të tij kanë rrëfyer për redaksinë e JOQ Albania se ai ka qenë i divorcuar prej vitesh dhe nuk ka patur kontakt me 3 fëmijët e tij (2 vajza dhe 1 djalë) pasi ish-bashkëshortja e tij jeton jashtë vendit së bashku me fëmijët.
