Dritan Rexhepi, kapoja shqiptar që organizoi një strukturë të sofistikuar për dërgimin e kokainës nga Ekuadori në Evropë, po shijon lirinë që prej vitit 2021. Shqiptari ka pranuar një regjim tjetër sipas të cilit dënimin e tij duhet ta vuajë në liri. Sipas këtij regjimi ai është i detyruar të qëndrojë në Ekuador deri më 26 qershor 2027, kur i përfundon dënimi për trafik droge.
Në vendimin e gjyqtarit Diego Rafael Poma Chamba thuhet se Rexhepi, i identifikuar në Ekuador me emrat Lulezim Mutaraj ose Edmir Kraja, duhet të paraqitet çdo 15 ditë përpara njësisë së riintegrimit social Guayas, gjithashtu i ndalohet të largohet nga vendi dhe të përsërisë krime të tjera. Sipas procesit të publikuar në Sistemin Konsultativ të Funksionit Gjyqësor të Ekuadorit, në rast se Rexhepi nuk respekton dispozitat e gjyqtarit, ai do të shpallej i arratisur .
Rexhepi, i njohur si “ mbreti i kokainës ”, është lideri i një bande kriminale transnacionale të trafikantëve shqiptarë të drogës që ka transportuar kokainë me vlerë qindra milionë euro nga Amerika e Jugut në Evropë. Operacionet e Rexhepit, të cilat filluan në vitin 2014 gjatë qeverisë së Rafael Correa -s dhe vazhduan gjatë mandateve të Lenín Moreno -s dhe Guillermo Lasso -s , nga burgu për shkak se ai kishte akses në një celular, megjithëse autoritetet mohuan që shqiptari të kishte pajisje në qelinë e tij.
Dokumentet e ndryshme të gjykatës italiane identifikuan Rexhepin, tani 42 vjeç, si " mbreti i padiskutueshëm " me akses në "sasi të pafundme kokaine" nga Kompania Bello , një kartel i përbërë nga 14 banda kriminale shqiptare të përfshira në trafikun e drogës dhe që, sipas autoriteteve, ai operon që nga viti 2014 në Ekuador, Holandë, Belgjikë, Shqipëri dhe Itali. Rexhepi u kap në 2014 në Ekuador dhe u dënua në 2015 me 13 vjet burg për trafik droge. Ai u mbajt në një burg të Guayaquil dhe më pas në burgun Latacunga, 100 kilometra nga Quito.
Infobae ka mësuar në mënyrë jozyrtare dhe të rezervuar se Rexhepi ka mbajtur kontakte me autoritetet e vendit deri më 15 janar të këtij viti, por më pas është zhdukur. Po kështu, Infobae ka kontaktuar me mbrojtësin publik që ka kryer procesin e para-lirimit të Rexhepit, por avokati tha se nuk i mban mend detajet e çështjes dhe se nuk mund të raportojë nëse kapoja shqiptare ka vazhduar të respektojë dispozitat e organeve gjyqësore.
Rexhepi u favorizua me regjimin gjysmë të hapur pasi kishte kryer të paktën dy të pestat e dënimit të shqiptuar. Gjithashtu, në datën 4 nëntor 2021, kur është dhënë përfitimi, përmendet se kapoja shqiptar ka pasur një sjellje shumë të mirë dhe nuk ka pasur as tentativa për t'u arratisur, madje dhe ka punuar në burg. Pasi doli nga burgu Rexhepi siguroi se do të jetonte në një apartament në Central Park të Samborondón , 14 kilometra nga Guayaquil. Në këtë kompleks banesash private, një apartament prej 125 m2 mund të kushtojë nga 165 000 USD.
Mirëpo, siç thuhet në raportin e procesit, më 10 shkurt 2022, Rexhepit i është autorizuar ndërrimi i adresës, por adresa e re nuk është e shënuar. Kjo nuk është hera e parë që Dritan Rexhepi tenton të dalë nga burgu. Më 23 dhjetor 2020, një gjyqtar mohoi lirimin paraprak të kapos shqiptar. Në atë kohë, avokat i Rexhepit ishte Harrison Salcedo, i cili u qëllua me armë në prill të këtij viti në Kuito.
Harrison Salcedo, avokati i Rexhepit
Rexhepi kërkohet nga sistemi i drejtësisë në Shqipëri , Belgjikë dhe Itali për shumë krime. Mbi të rëndojnë dy kërkesa për ekstradim, nga Shqipëria dhe Italia . Gjykata Kombëtare e Ekuadorit vendosi se shqiptari do të ekstradohet në vendin e origjinës sapo të përfundojë dënimin në Ekuador.
Avokati penal Pablo Encalada shpjegoi për Infobae se kapoja shqiptar ishte në gjendje të përfitonte nga lirimi paraprak sepse "nuk ka asnjë pengesë normative për dhënien e përfitimeve të burgut, prandaj ai kishte të drejtën ligjore për t'iu dhënë para lirimi. I pyetur për mundësinë që Rexhepi të jetë i arratisur, Encalada tha se në këtë se rast Ekuadori “do të kishte dështuar para shtetet që kërkonin ekstradimin”, pasi vendi premtoi se do ta ekstradonte shqiptarin kur ai të përfundojë dënimin.
