Ilir Alimehmeti do të jetë kandidati i tretë i Partisë Demokratike që është konfirmuar të marrë pjesë në garën për primaret që do zhvillojë e djathta në Bashkinë e Tiranës.
“Në orën 11.00 Dr. Ilir Alimehmeti prezanton kandidaturën për primare në Partinë Demokratike, për zgjedhjet lokale”, thuhet në njoftimin e selisë blu.
Ai është kandidati i tretë pas konfirmimit të Belind Këlliçit dhe Gent Bogdanit. Mjeku i njohur është kandidati i vetëm pa background politik që synon të triumfojë përballë kryetarit aktualit Erion Veliaj.
Alimehmeti është i favorizuar në këtë aspekt pasi figura e tij shihet si e “pandotur” nga politika dhe mbështetja për të në rrjetet sociale gjatë ditëve të fundit ka qenë e konsiderueshme.
