Lidhja e Sindikatave të Maqedonisë (LSM) i kërkon u.d. drejtor i Ndërmarrjes Publike “Ujësjellësi dhe kanalizimi”, Marijanço Mitovski që të japë dorëheqje. Sipas LSM-së, Mitovski ligjërisht nuk guxon të jetë bartës i funksioneve publike sepse ndaj tij ka aktgjykim për veprën penale për sulm me thikë. Kryetari i Lidhjes, Darko Dimovski shtoi se për këtë vepër të drejtorit ka edhe vendim gjyqësor për mbajtjen e dënimit me burg prej 20 ditëve.
“Mendojmë dhe dëshmojmë se ushtruesi i detyrës drejtor, Marijanço Mitovski nuk i plotëson kushtet që të jetë kryerës i funksionit publik, në pajtueshmëri me aktgjykimin në fuqi të cilin e kam para meje dhe do e ndaj me të gjithë. Ka kryer vepër penale, ka sulmuar njeri me armë të ftohtë, thikë, duke shkaktuar lëndime të rënda trupore. Në faqen e fundit të aktgjykimit është edhe vendimi ku udhëzohet që të mbajë dënim me burg”, deklaroi Darko Dimovski, Lidhja e Sindikatave.
Kryetari i Lidhjes së Sindikatave, Darko Dimovski shtoi se aktgjykimin e drejtorit Mitovski do ua dorëzojë edhe kryetares së qytetit Danella Arsovska si dhe Këshillit të Qytetit të Shkupit me qëllim që nëse drejtori nuk jep vetë dorëheqje, atëherë të shkarkohet. Dimovski tha se posedojnë edhe dokumente të tjera kundër drejtorit. Ai shtoi se nëse nuk merren masa ndaj tij, atëherë të punësuarit do të kalojnë në grevë.
“Kemi edhe një aktvendim tjetër që do e zbardhim nëse ky drejtor nuk jep dorëheqje ose kryetarja e Qytetit nuk e shkarkon. Po ashtu dua të paralajmëroj se kemi raport mjekësor serioz që tregon se gjendja psikike e këtij personi është dëmtuar dhe po mjekohet”, tha Darko Dimovski, Lidhja e Sindikatave.
Në bisedë me u.d. Drejtor, Marijanço Mitovski, ai tha se nuk do të japë deklaratë për akuzat të cilat i drejtohen, por tha se mban qëndrimin të cilën e ka thënë në kumtesën e një dite më parë ku thuhet se, e vërteta është se Mitovski nuk ka vuajtur burg dhe nuk ekziston aktgjykim, ndaj tij. Në kumtesën e ujësjellësit thuhet se, kreu i sindikalistëve është frustruar për shkak të privilegjeve që i janë marrë bashkëshortes së tij e cila është e punësuar në n.p. Ujësjellësi dhe Kanalizimi.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
