Ditën e sotme teksa nënshkroi marrëveshjen me Ilir Metën, kreun e Partisë së Lirisë, kreu i Partisë Demokratike Sali Berisha foli për zgjedhjet vendore të 14 Majit.
Ai e quajti “moment historik” shkrimin e marrëveshjes me Metën dhe foli edhe për kryebashkiakun aktual të kryeqytetit, Erion Veliajn.
Berisha u shpreh se ky i fundit duhet të ishte në burg dhe jo të kandidonte për një mandat tjetër për Tiranën.
Sipas tij, Veliaj ka mashtruar qytetarët e Tiranës dhe ka bërë vjedhje monstruoze. Ai e nis me vdekjen e Ardit Gjoklajt në landfillin e Sharrës dhe e pason me vjedhjet dhe mashtrimet kundrejt qytetarëve të Tiranës.
“Për të arkivuar në plehrat e Sharrës figurën më obskure që ka drejtuar Bashkinë e Tiranës, që nga shpallja e Tiranës kryeqytet deri më sot, Erion Veliajn. I takon të jetë në qeli dhe jo në garë elektorale.
Me vjedhjet e tij monstruoze dhe mashtrimet që u ka bërë qytetarëve të Tiranës, me katet pa leje. Erion Veliaj ka me dhjetra motive që të shkojë aty ku e ka vendin. Jam i bindur se qytetarët e Tiranës do të flasin për të gjitha këto”, theksoi Berisha.
Pritet që PD dhe PL të nxjerrin një kandidat të përbashkët për opozitën në zgjedhjet e 14 Majit dhe sipas burimeve, mësohet se do të jetë Belind Këlliçi.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
