Presidentja e Komisionit Evropian, Ursula von der Leyen, ka deklaruar se BE-ja do të bëjë çmos për procesin e zgjerimit të Ballkanit Perëndimor, teksa ka shtuar se Evropa nuk është e plotë pa Kosovën.
Ajo këto deklarime i ka bërë përgjatë një konferencë të përbashkët me presidenten e Kosovës, Vjosa Osmani, përgjatë vizitës së shefes së Komisionit Evropian në Kosovë, shkruan lajmi.net.
“E nderuara presidente, për ta rikonfirmuar edhe njëherë: vendi i Kosovës është në BE. Për këtë, ju po e dëshmoni për çdo ditë. Evropa nuk është e plotë pa Kosovën. Marrëdhëniet tona me Ballkanin Perëndimor janë të rëndësishme dhe do të intensifikohen çdoherë e më shumë. Kështu që, ju siguroj se BE është i përkushtuar më shumë se kurrë në procesin e zgjerimit dhe do t’ju mbështesim aq sa mundemi”, deklaroi Von der Leyen.
Sa i përket çështjes së liberalizimit të vizave, e para e Komisionit të Evropës ka thënë se Kosova ka përmbushur të gjitha kriteret për liberalizim të vizave.
“Ju kam dëgjuar për aspektin e liberalizimit të vizave dhe e dini se keni një aleat dhe mua personalisht, Kosova e meriton liberalizimin e vizave. E di sa është e rëndësishme kjo për ju, i keni përmbushur të gjitha standardet. Ne kemi konfirmuar plotësimin e të gjitha kritereve në korrik të 2018-ës”.
E para e institucionit të BE-së tutje i bëri thirrje Kosovës t’i bashkëngjitet gazit evropian, duke thënë se nëse marrin aprovimin, financimi për procedurat iniciuese mund të fillojnë nga janari i vitit të ardhshëm.
“Natyrisht, se edhe ju e ndjeni në Kosovë efektin e kësaj sjellje, nëpërmjet rritjes së çmimeve. Mirëpo, ju siguroj që Bashkimi Europian nuk dorëzohet pranë këtij shantazhi. Ne jemi krahpërkrah për ju. Duhet t’i bashkoheni përpjekjeve për blerje të gazit, do të përiftoni edhe nga predispozitat e BE-së për tavanin e çmimeve të gazit. Po përpiqemi që të mos i lëmë çmimet të shkojnë shumë lart. Tani për tani, mund të keni nevojë për mbështetje të menjëhershme, andaj ne do t’ju garantojmë mbështetje të menjëhershme dhe do të finalizojmë të gjitha procedurat e nevojshme për financimin që nga janari”, deklaroi ajo.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
