Pak ditë më parë shqiptarët anë e mbanë botës mblodhën plot 600 mijë euro për 20-vjeçarin, Klevis Gjeluci, i cili ndodhet në koma si pasojë një aksidenti të ndodhur më 24 shtator të këtij viti.
Ishin miqtë e tij që ndërmorën këtë iniciativë pasi familjarët nuk mund të përballonin koston e operacioneve që 20-vjeçari duhet t'iu nënshtrohet. Falë kontributit të shqiptarëve, Klevisi është transportuar më 20 tetor në spitalin “Gemelli” të Romës.
Sipas familjarëve, mjekët japin sinjale pozitive për 20-vjeçarin i cili aktualisht ndodhet në reanimacion, por pritet që të shihet ecuria e tij para se të kryhen ndërhyrjet. Halla e 20-vjeçarit, Romina Gjeluci shprehet shumë optimiste për shëndetin e nipit.
Gjatë një emisioni televiziv, ajo ka falenderuar shokët e Klevisit që morën nismën për të mbledhur 600 mijë euro por edhe gjithë shqiptarët që kontribuan.
Intervista e plotë:
Si është gjendja e Klevisit?
Është në reanimacion, por mjekët shprehen optimistë. Na thonë na lini të kryejmë punën tonë. E kanë me qetësi, nuk e kanë me nxitim, pasi duan që të shohin se si reagon Klevisi tani që është në reanimacion.
Mjekët po bëjnë ekzaminimet e nevojshme?
Po, na komunikojnë gjatë gjithë kohës në lidhje me reagimet e tij. Unë jam me prindërit e tij, e shohim që jemi në vendin e duhur. Jemi në një nga spitalet më të mira në botë dhe tregohen optimistë për gjendjen e tij. Por ata kërkojnë kohë.
Shuma u mblodh në një kohë rekord. Çfarë mendon se ndikoi te shqiptarët që u mblodh kjo shumë kaq e madhe?
Është shpërndarë shumë nga të gjithë në rrjetet sociale. Djemtë që nisën këtë nismë, ishin shumë të gatshëm dhe të prekur. Shokët e tij të cilët u gjenden shumë pranë nesh dhe prindërve të tij. I falënderoj nga zemra. Falënderoj të gjithë shqiptarët që kanë kontribuar. Ata i siguruan mjekimin. Uroj që shumë shpejt të ndaj me ju emocionet duke pasur edhe Klevisin pranë.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
