Ironia në këtë vend është therëse miq… Ky artikull sarkastik që do të lexoni më poshtë e dëshmon më së miri talljen që qeveria bën me popullin.
Nëse ditët e fundit keni parë në ekranet e televizioneve rilindase reklamën e KESH për t’u ndërgjegjësuar në kursimin e energjisë, kini parasysh që për ta realizuar atë janë shpenzuar 250 Mijë Euro nga taksat tuaja.
Sipas burimeve për JOQ Albania, në casting të aktorëve është angazhuar vetë kryeministri për ta bërë sa më të besueshëm reklamën që është krijuar me taksat tuaja.
Vlera marramendëse i është dhënë kompanisë së reklamave Le Spot Group me lidhje me Vodafone në pronësi të Theodhori Çamit, me letra e kaluar në të tjerë persona, njëkohësisht pronar i televizionit Euronews Albania.
THEODHORI CAMI
Nuk është e nevojshme të marrësh mendimin e ndonjë eksperti për ta kuptuar qartazi se kjo është është një ndër talljet më të mëdha që i është bërë këtij populli. Pra, Ergys Verdho dhe qeveria do paguajnë kompaninë Le Spot 250 Mijë Euro me taksat e qytetarëve për ndërgjegjësim të popullit gjatë muajve Tetor-Dhjetor.
Procedura është me Negociim të drejtpërdrejtë pa shpallje paraprake gjë që përbën shkelje në procedurat publike, pasi të tillë tendera priren të funksionojnë me marrëdhënie klienteliste. Tendera të tillë janë ndaluar nga Rama që në kohën e burgosjes së ish-kryebashkiakut të Lushnjes Fatos Tushe.
Kontrata është lidhur në bazë të një akti normativ të pashpallur as në faqen zyrtare të KESH, gjë që e thellon shkeljen.
Fushata informuese do të transmetohet nga tre televizione kyç në vend, padiskutim ekranet e rilindjes dhe portalet qeveritare në formën e bannerave në web për të cilët ka nisur shpërndarjen e parave.
Në reklamë citohet konkretisht se është qeveria ajo që na mbron nga rritja e çmimit të energjisë elektrike.
Rrjetet sociale të titullarëve të institucioneve shtetërore dhe ministres apo kryeministrit kanë mjaftueshëm audiencë sa për të shpërndarë fjalën ndërgjegjësuese tek populli, por ky tender i fshehtë i KESH është bërë me qëllim propagandën e qeverisë me taksat e popullit të varfër shqiptar.
*Dokumentet siguruar nga Faktoje*
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
