Shqipëria ka një kampione bote në sportin e “bodybuilding” /“fitness”. Gentiana Beqa është ngjitur në shkallën më të lartë në kompeticionin më të madh për femra të këtij sporti, “World Fitness Women’s Championship”.
Në kompeticionin e zhvilluar në Korenë e Jugut në qytetin Yeongju, Beqa ka shkëlqyer me format e saj të mahnitshme trupore dhe ka arritur të fitojë medaljen e artë si e para në botë në këtë sport për vitin 2022.
View this post on Instagram
Në një postim në “Instagram” ajo ka pozuar me flamurin shqiptar dhe medaljen e artë në qafë, teksa fjalët e saj të shkruara në përshkrimin e fotos janë shumë emocionuese dhe tregojnë dëshirën e saj të madhe për të bërë Shqipërinë krenare.
“Kur linda unë ishe ti flamur kuqezi, u rrita me ty, çdo emocion e kam përjetuar me ty. Kam punuar të të bëj krenar ty flamuri im dhe gjithë shqiptarët në këtë ditë madhështore të garës botërore World Fitness Women’s Championship”, shkruan Gentiana.
